O PPdeG considera de “máxima prioridade” que o estaleiro Vulcano peche un acordo coas empresas auxiliares para rematar o ferri

A deputada Teresa Egerique lembrou que “o compromiso da Xunta co naval galego é total, tanto na época máis complicada como na etapa actual de crecemento”
Por o 22/03/2019 | Sección: Galicia,Partido Popular,Política,Vigo
O PPdeG considera de “máxima prioridade” que o estaleiro Vulcano peche un acordo coas empresas auxiliares para rematar o ferri
Compartir en:

A deputada do Grupo Popular Teresa Egerique considerou hoxe no Parlamento de “máxima prioridade” que o estaleiro Vulcano peche un acordo coas empresas auxiliares que lle permita rematar a construción do ferri. “O compromiso do Goberno galego co naval é total, defendendo este sector estratéxico para Galicia tanto na época máis complicada, cando o tax lease, como agora que se atopa nunha etapa de crecemento, coa segunda maior carteira de pedidos de toda Europa”, afirmou.

Teresa Egerique manifestou que a Xunta “é coñecedora de primeira man da situación pola que está a atravesar Vulcano, ante a que ten actuado desde o comezo implicándose en profundidade e sempre co compromiso claro na busca dunha solución que fora beneficiosa tanto para a empresa como para os traballadores”.

Neste sentido, salientou que “o traballo realizado polo Goberno galego nos últimos anos permitiu que os estaleiros de Galicia recuperaran o liderado nacional en carga de traballo, con 15 novos contratos en 2018 por valor de 550 millóns de euros”. Máis en concreto, a deputada popular apuntou que os pedidos actuais no naval galego suman 27 buques civís e un buque militar, o que supuxo que o sector pasara de 7.000 empregados en 2009 a máis de 10.500 en 2017.

Comentar noticia

Your email address will not be published.