O prazo para solicitar praza en calquera das 8 escolas infantís municipais comeza o 11 de marzo

O prazo para solicitar algunha das 620 prazas en calquera das oito escolas infantís municipais estenderase entre o 11 e o 27 de marzo. Unha vez máis, os requisitos son ter residencia en Vigo e que o neno o nena teña unha idade mínima de tres meses. O Concello adica case 1,5 millóns ao financiamento destes centros educativos.
Publicado por o día 06/03/2019 na sección de Concello de Vigo,Galicia,Vigo

O prazo para solicitar praza en calquera das 8 escolas infantís municipais comeza o 11 de marzo

O prazo para solicitar algunha das 620 prazas en calquera das oito escolas infantís municipais estenderase entre o 11 e o 27 de marzo. Unha vez máis, os requisitos son ter residencia en Vigo e que o neno o nena teña unha idade mínima de tres meses. O Concello adica case 1,5 millóns ao financiamento destes centros educativos. 

A Xunta de Goberno dará luz verde mañá xoves ás normas de adxudicación e matrícula nas escolas infantís municipais para o curso 2019-2020, que ofertarán 620 prazas en oito centros educativos (Costeira-Saiáns, 72 prazas; Bouzas, 80; Tomás Alonso, 78; Santa Marta, 72; Atalaia-Teis, 82; Santa Cristina, 76; Mestres Goldar, 78 e Navia, que conta con 82).

Os requisitos de acceso, segundo avanzou o rexedor en rolda de prensa, é ter residencia en Vigo e que o neno/nena teña unha idade mínima de tres meses. Este ano, como novidade, pódese presentar a solicitude sempre que a data probable de parto non sobrepase o 5 de xuño. Como é habitual, terán preferencia na reserva os nenos que xa estean matriculados, así como para os que teñan irmán no centro. Hai tres opcións de horario: mañá (07,30 -15,45 h), tarde (16,00 a 20,00 h) e continuo, no caso de Costeira Saiáns (de 9,00 h a 17,00 h ou de 10,00 h a 18,00 h).

Estarán exentas de matrícula e mensualidade as familias con renda per cápita mensual de ata 327,83 euros, unha cifra que se eleva a 512 euros, no caso de familias numerosas. Respecto dos prezos, Caballero precisou que o Concello subvenciona unha parte moi importante do custo das escolas, ás que adica un orzamento anual de case 1,5 millóns.

A solicitude de praza realizarase a través do formulario disponible na páxina www.escolasvigo.org/reim e a presentación poderá ser presencialmente no Rexistro xeral ou telematicamente se se dispón de sinatura dixital. O período para solicitar novas praza e renovar as matrículas será do 11 ao 27 de marzo, as listas provisionais estarán dispoñibles o 13 de maio nos tablóns das escolas infantís e na web. As listaxes definitivas se publicarán o 7 de xuño e o prazo de matrícula se estenderá desde o 10 ata o 21 de xuño.