O PSdeG valora “os avances” no proceso de venda de Alcoa San Cibrao e chama á Xunta a “involucrarse” para garantir o emprego

O voceiro de Industria recorda que o goberno galego ten as competencias neste eido
Publicado por o día 21/08/2020 na sección de Política,PSOE

O PSdeG valora “os avances” no proceso de venda de Alcoa San Cibrao e chama á Xunta a “involucrarse” para garantir o emprego

O voceiro de Industria do Grupo Socialista no Parlamento, Martín Seco, valorou hoxe “os avances” no proceso de venda de Alcoa San Cibrao a Liberty House e chamou á Xunta a “involucrarse” para garantir o emprego na bisbarra logo de que o Ministerio de Industria atopase un inversor interesado na planta da Mariña.

Así o dixo despois de que na última xuntanza da mesa multilateral se acordasen as fases nas que se levará a cabo o proceso de venda da planta, que concluirá nunhas seis semanas.

“O mantemento do emprego e da actividade industrial é prioritario”, destacou o deputado do PSdeG, quen puxo en valor a implicación do goberno de España “dende o minuto cero” para traballar nesa liña e reclamou o mesmo compromiso por parte dunha Xunta que estivo “de perfil” neste proceso.

“O goberno galego non pode obviar que ten as competencias en materia industrial”, recordou Martín Seco.

O PSdeG lamenta que Galicia se sitúe “á cola” das comunidades que menos aumentaron a plantilla docente para afrontar o inicio do curso

Comentar noticia

Your email address will not be published.