O tráiler da campaña Vai de peixe comeza esta mañá ás 12:00 no Campus Sur de Santiago de Compostela o seu percorrido polas zonas estudantís galegas. Neste camión, destinado a ofrecer información da campaña impulsada pola Xunta de Galicia a través da Consellería do Mar, realízanse showcookings nos que se amosan distintas formas de preparar os produtos do mar e da acuicultura.

Esta primeira parada do Vaidepeixetour conta coa colaboración da presentadora Eva Iglesias, que aborda ao alumnado con preguntas sobre o seu consumo de produtos do mar, frecuencia ou opcións preferidas de preparación.

Durante os vindeiros días, o tráiler realizará as seguintes paradas

Presentación da campaña

A Escola Oficial Náutico-Pesqueira de Ribeira acollerá o vindeiro venres, 22 de novembro, ás 13:00 horas a presentación da campaña Vai de peixe. O acto contará coa participación, entre outros, da atleta barbanzá Ana Peleteiro.

Que é Vai de peixe?

Vai de peixe é a primeira campaña de España destinada especificamente a impulsar o consumo dos produtos do mar e da acuicultura na franxa de idade entre os 18 e os 35 anos (xeración millennial).

Mediante unha estratexia baseada na promoción dixital a través da web https://vaidepeixe.xunta.gal/ e redes sociais (Instagram e canle de Youtube), Vai de peixe busca fomentar hábitos de alimentación saudable e promover un consumo frecuente de peixe e marisco nesta franxa de idade, para concienciar da importancia dunha nutrición equilibrada. Durante o curso académico 2019 – 2020, Vai de peixe tamén levará a cabo unha serie de accións destinadas á difusión de información dos produtos pesqueiros, así como de receitas sinxelas e adaptadas ao estilo de vida millennial.

Noticias Vigo

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.