OCU ofrece recomendacións para aforrar en calefacción

Ante o anuncio das baixas temperaturas para este fin de semana
Por o 12/01/2018 | Sección: Social
OCU ofrece recomendacións para aforrar en calefacción

As previsións meteorolóxicas para este fin de semana advirten da chegada dun sistema frontal atlántico que traerá consigo nevadas e choivas na maior parte do país.

Por iso, e para que os consumidores non vexan afectada a súa factura da luz ou o gas por un maior uso da calefacción, OCU ofrece unha serie de sinxelos consellos que non só axudarán a reducir o gasto, senón que serven para coidar o medio ambiente, xa que aplicándoas redúcense as emisións de CO2.

Para manter a casa a unha temperatura agradable sen necesidade de aumentar o uso da calefacción OCU recomenda:

1. Colocar burletes en portas e xanelas: son sinxelos sistemas de plástico que taponan a entrada de aire e axudan a manter a temperatura interior.

2. Ventilar temperán e coas persianas arriba: se na fachada dá o sol, ventilar durante 10 minutos nada máis levantarse e deixar as persianas subidas.

3. Decorar con alfombras e cortinas de cor escura: absorben a radiación solar e axudan a subir a temperatura.

4. Purgar os radiadores: se se teñen radiadores de auga, non esquecer purgar o aire para conseguir o mellor rendemento da caldeira. Ademais, OCU lembra os radiadores debejn purgarse ao comezo da tempada, no outono, para que non teñan aire dentro, xa que isto dificulta a transmisión de calor desde a auga ao aire exterior. Estes deben estar limpos e sen mobles que os tapen dificulten a difusión do aire quente.

5. Facer a revisión da caldeira: un bo mantemento da caldeira pode supoñer un aforro de ata un 15% ao ano. 6. Abrigarse e baixar o termostato: en lugar de ir en manga curta e ter a casa a 24º C, é mellor cubrirse con máis roupa e baixar ata os 21º C. Algo tan sinxelo permite aforrar ata un 20%.

OCU lembra que unha temperatura en casa de 19º C a 21º C é razoable. Pola noite, é aconsellable que nos dormitorios baixe entre 15º C e 17º C. Cada grao de máis supón un incremento do 7% no consumo. A Organización de Consumidores e Usuarios ten ademais aberta ata o próximo día 15 de xaneiro a súa compra colectiva de luz e gas, á que os usuarios poden inscribirse a través da web de OCU para conseguir unha tarifa competitiva que lles permita aforrar na factura da luz e gas.

Noticias de última hora en Vigo

Comentar noticia

Your email address will not be published.