Oncomet inicia o proceso de selección de pacientes para o estudo da biopsia líquida

Por o 11/01/2018 | Sección: Salud,Sanidad
Oncomet inicia o proceso de selección de pacientes para o estudo da biopsia líquida

O grupo de Oncoloxía Médica Traslacional (Oncomet) acaba de recibir a autorización por parte do Comité Ético de Investigación de Santiago e Lugo para empezar a reclutar mostras de doentes para o estudio de investigación que desenvolve o grupo co obxectivo de validar distintas técnicas de análise de Biopsia Líquida. Activarase primeiro a inclusión de mostras no Complexo Hospitalario Universitario de Santiago (CHUS) e progresivamente iranse sumando outros Hospitais Galegos.

Os oncólogos serán os encargados de ofrecer nas súas consultas a aqueles doentes con determinados tumores a posibilidade de participar no estudio de investigación. No caso de aceptar soamente se lles tomarán mostras de sangue para o estudio de investigación. Dependendo do tumor poderanse obter varias mostras dunha mesma persoa ó longo do tratamento. Os principais tumores nos que traballarán serán de colon, pulmón, páncreas e melanoma.

Oncomet quere deixar claro que a participación dos neste estudio non vai supoñer ningún cambio no tratamento da súa enfermidade nin ningún beneficio a maiores de contribuír ó avance no coñecemento e manexo destas técnicas. En total, grazas ó éxito da campaña poderanse estudar máis cerca de 500 mostras que se irán reclutando ó longo dos próximos meses.

As mostras de sangue analizaranse mediante distintas estratexias dependendo do tipo de tumor. Os resultados e conclusións que se obteñan ó longo dos próximos anos dentro deste estudo comunicaranse á comunidade científica e ademais poñeranse en coñecemento da sociedade galega, que é que permitiu que se financie este proxecto.

Aclarar tamén que nos estamos referindo en todo momento a un proxecto de investigación, nunca a un ensaio clínico nin proba diagnóstica que se poida utilizar na clínica de maneira inmediata. A previsión é que nun prazo de dous anos se obteñan os primeiros resultados do proxecto e que os primeiros resultados en clínica se poidan ver nun prazo aproximado de catro ou cinco anos.

Noticias de última hora en Vigo

Comentar noticia

Your email address will not be published.