Opinión por Serafín Valladares Guimeráns | Xosé Manuel Pazos “Desesperado”

As tácticas do Alcalde de Cangas para buscar aliados non teñen límite, este pasado venres día 20 de Setembro o Concello de Cangas fixo entrega ao Alcalde de Pontevedra, Miguel Anxo Fernández Lores e ao xefe de Policía Local, Daniel Macenlle, das distincións polo traballo realizado na capital da provincia en seguridade viaria e mobilidade urbana. O certo é que isto á fin e ao cabo non é máis que unha forma de atraer ao BNG de Cangas para que entre no actual Goberno (Ace- Psoe) que está en minoría con 8 Concelleiros as . Non hai máis que ver que ao acto de inauguración do novo parque Infantil tráfico de Cangas foron convidados a Alcaldesa de Moaña e asistiron outros cargos do BNG , mesmo, Merchi Giráldez (portavoz e cabeza de lista en Cangas) e algúns Concelleiros máis e por suposto Protección Civil.

Ata aquí todo ben máis ou menos, pero o certo é que o Sr Pazos como é costume sempre quere ter o protagonismo en tódolos actos así acabou facendo o ridículo ao subir nun Ciclo de pedais con sidecar e animou á Alcaldesa de Moaña que puxo unha cara de circunstancias pero cando se deu xa era tarde todo o mundo que estaba por alí aproveitou para sacar fotos dos dous no Ciclo de pedais.

É incrible que mentres as parroquias están completamente abandonadas, o sr Pazos segue facendo inauguracións poñendo estatuas e sobre todo Teatro iso que non falte nunca, agora un ano máis a celebrar o desembarco Turco en Cangas onde masacran a todo o pobo e a queimar un ano máis a María Soliña, é o que hai, para el é a “Festa en Defensa dá Vila ”. Parece que os Cangueses/as temos catro longos anos por diante  a menos que a oposición en maioría faga algo dunha vez por todas cada día entendo menos á clase política coma senón tivésemos bastante xa coa repetición das eleccións xerais outra vez.

Son veciño de Cangas, cursei os meus estudos no Colexio Público de Espiñeira Aldán, Instituto de Rodeira (Cangas) e no Instituto Politécnico Marítimo Pesqueiro do Atlántico (Vigo). Son ex-xogador de voleibol e adestrador.

Actualmente: Fotoxornalista e activista, defensor dos dereitos humanos, procurando que a clase política cumpra as súas promesas. No paro, debido a un accidente e cun grao de minusvalía dun 73%.

SIGUENOS EN TELEGRAM