Os Coros Galegos homenaxean este sábado ao gaiteiro Perfecto Feijoo

Organizado polo Consello da Cultura Galega en colaboración co Concello, acollerá na praza da Ferraría a coros de Compostela, Ourense, Coruña e Ferrol.
Publicado por o día 30/08/2019 na sección de Galicia,Pontevedra

Os Coros Galegos homenaxean este sábado ao gaiteiro Perfecto Feijoo

A praza da Ferraría acolle este sábado, 31 de agosto, a homenaxe ao gaiteiro de musicólogo Perfecto Feijoo a cargo dos Coros Galegos, organizado polo Consello daCultura Galega coa colaboración da Concellaría de Cultura do Concello de Pontevedra.

A homenaxe comezará ás 13.00 horas e nela participarán Cantigas e Agarimos de Compostela, Coral de ruada de Ourense, Cantigas da Terra da Coruña, Real Coro Toxos e Frores de Ferrol. Pretenden conmemorar a homenaxe feita fai 100 anos a Perfecto Feijoo, fundador do desaparecido coro Aires da Terra, de Pontevedra.

No video pode verse “Perfecto Feijóo e o Rexurdimento da emoción pola Terra”, realizado polo arquiveiro de Cántigas da Terra, Moncho do Orzán, no ano 2009, na conmemoración dos 90 anos daquela grande homenaxe a Perfecto Feijoo, celebrada o 31 de agosto de 1919 en Pontevedra.