Os inscritos de Podemos Galicia avalan rotundamente a formula de coalición con Podemos nas papeletas para as próximas eleccións municipais

Carmen Santos sinala que dende a dirección galega se traballará en “tecer alianzas de unidade coas forzas irmans e apoiando as alcaldías que Xa nos devolveron a dignidade fronte a corrupción do PP”
Publicado por o día 28/03/2018 na sección de Podemos,Política

Os inscritos de Podemos Galicia avalan rotundamente a formula de coalición con Podemos nas papeletas para as próximas eleccións municipais

O 86% dos preto de 4500 inscritos galegos que votaron na consulta sobre as municipais da última semana avalaron de maneira rotunda a fórmula de coalición coa marca Podemos nas papeletas e o respaldo ás marcas consolidadas nos concellos do cambio.

Nas principais cidades galegas o apoio moveuse ao redor da media autonómica indo desde o 89% en Santiago de Compostela ou o 88% en Vigo ata case un 80% en Ferrol, pasando polos 86% da Coruña, o 85% de Lugo e Ourense ou o 82% de Pontevedra.

A secretaria xeral de Podemos Galicia, Carmen Santos afirmou nunha primeira valoración tras coñecer os resultados, que coa mesma rotundidade que os inscritos marcaron o camiño, desde a dirección galega traballarase en “tecer alianzas de unidade coas

forzas irmans e apoiando as alcaldías que xa nos devolveron a dignidade fronte a corrupción do pp e a sua rede clientar, para devolver moitas mais alcaldías a xente en Galicia”.