Os servizos de emerxencia municipais atenderon 150 chamadas por incidencias do temporal en 24 horas

Tiveron 52 intervencións directas, resoltas todas
Publicado por o día 12/12/2017 na sección de Galicia,Pontevedra

Os servizos de emerxencia municipais atenderon 150 chamadas por incidencias do temporal en 24 horas

Os servizos de emerxencia municipais en alerta pola chegada da borrasca “Ana” atenderon en pouco máis de 24 horas máis de 150 chamadas por incidencias vencelladas ao que foi o primeiro gran temporal de chuvia e vento do outono e “tiveron 52 intervencións directas, resoltas todas” destacou hoxe a modo de balance o portavoz do Goberno local, Raimundo González.

Coordinados pola Concellería de Protección Cidadá, no operativo estiveron implicados a Policía Local, Bombeiros, Protección Civil, os servizos técnicos e as brigadas municipais, as empresas concesionarias e tamén algunhas das empresas colaboradoras co Concello en previsión de posibles requirimentos de maquinaria pesada.

As incidencias rexistradas en Pontevedra -inda que numerosas e de importancia para as persoas que as sufriron de xeito directo- foron todas “menores” sinalou González Carballo. Entre elas, aídas de polas, vallas e colectores desprazados, caídas de tellas, algunhas sinal de tráfico, poste telefónicos, desprendementos na iluminación ornamental, a caída dun muro en San Brais, outro en Acevedo…