Os veciños socorren a un condutor que caeu co seu vehículo por un terraplén en Tomiño

Os veciños axudan a un condutor que caeu co seu vehículo por un desnivel no Bouzón, en Tomiño.

Segundo indicaron ao persoal do 112 Galicia, romperon un cristal para sacar ao ferido do vehículo envorcado.

O accidente produciuse ao fío das dez desta mañá á altura dun domicilio situado no número 32 do Lugar do Bouzón. Alí acudiron os veciños para socorrer ao ocupante do coche que se saíu da vía e quedou envorcado nun desnivel. Tal e como explicaron, romperon un cristal para permitir ao condutor abandonar o vehículo e recibir asistencia médica. Por iso, aínda que os xestores do 112 Galicia solicitaron a intervención dos Bombeiros do Baixo Miño, os efectivos de salvamento descartaron empregar o equipo de excarceración porque a persoa estaba xa liberada e accesible.

Pola súa banda, os profesionais de Urxencias Sanitarias de Galicia-061 evacuaron ao ferido ao centro hospitalario de referencia.

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.

SIGUENOS EN TELEGRAM