Ourense acollerá a gran exposición dos suevos, o primeiro reino de Europa

Publicado por o 27/03/2017
Ourense acollerá a gran exposición dos suevos, o primeiro reino de Europa

Eran os suevos un pobo “bárbaro”? que fixeron durante case dous séculos na antiga provincia da Galaecia? E, que pegada deixaron no noso país?- “In tempore Sueborum” tentará dar resposta a esas e outras cuestións do que é considerado o primeiro reino de Europa. Ese é o nome da gran exposición monográfica sobre o reino suevo que se organizará en Ourense e contará con pezas de museos de Europa e EE.UU, ademais de Galicia e Portugal -onde os suevos afincaron o seu reinado- e de España.

Será entre novembro de 2017 e febreiro de 2018 cando se inaugure esta exposición cunha colección que reunirá en tres espazos expositivos ao redor de 200 obxectos. Algunhas son pezas singulares de gran valor histórico-arqueolóxico que serán traídas doutros museos e coleccións europeos e mesmo da Dumbarton Oaks Collections, de Washington.

O centro cultural Marcos Valcárcel organiza esta exposición co patrocinio da Deputación Provincial e a colaboración do Bispado de Ourense e o Concello. O deseño, a produción, construción e instalación das pezas é de tal dimensión que foi necesaria a apertura dun proceso de contratación pública cun importe de licitación de 120.000 euros. Non obstante, tal e como apunta Faro de Vigo, este procedemento paralizouse momentaneamente debido á necesidade de definir con maior detalle as condicións técnicas en canto á descrición dos elementos a expor, segundo figura no decreto de desistencia.

A colección céntrase no tempo dos suevos na Gallaecia, tal e como reza o título, “o primeiro reino medieval de Occidente”, tal e como xa recolleu nun artigo Historia de Galicia, e centrarase esencialmente no período que se estende ao longo dos séculos V e VI d.C. É, neste sentido, a primeira exposición monográfica dedicada ao reino que crearon os suevos durante practicamente dous séculos na Gallaecia (411-585). Así, o obxectivo é mostrar o que se coñece dos suevos, a súa pegada nas tradicións culturais e as transformacións que conduciron á configuración de novas entidades socio-políticas que son o xerme do actual mapa xeopolítico europeo. O Marcos Valcárcel, o Museo Municipal e a Igrexa de Santa María Nai, son o tres espazos expositivos elixidos para a exposición.

As pezas que se trasladarán a Ourense proceden de museos de toda Galicia, pero tamén de Mérida, Madrid, Zamora, León, Braga, O Porto, Coimbra, Lisboa, Hungría, Romanía, Francia, Austria, Alemaña, Dinamarca e Bélxica, entre outros países. Tamén está previsto presentar dúas pezas “extraordinarias e únicas” procedentes do Museo do Hermitage (San Petersburgo, Rusia) e da Dumbarton Oaks Collections (Washington, EE UU). Ao ser a primeira mostra sobre esta temática, moitos dos obxectos que serán presentados aparecerán xuntos neste contexto por primeira vez.

 

Noticias de última hora en Vigo

Comentar noticia

Your email address will not be published.

ANUNCIOS DESTACADOS EN VIGO

crear anuncio

Amura Restaurante

http://www.amuravigo.es

Gran variedad de pescados, carnes, mariscos y pastas en Carral 32

Servicios web

http://www.donwebmaster.com

Dominios, hosting, diseño web, redacción, .. al mejor precio

ARI

http://editorialcirculorojo.com

El libro de Luis Soler con una historia que te sorprenderá