O PPdeVigo cualifica o Goberno de Sánchez como “15 meses desperdiciados” para Vigo

Publicado por o día 23/09/2019 na sección de Galicia,Partido Popular,Política,Vigo

O PPdeVigo cualifica o Goberno de Sánchez como “15 meses desperdiciados” para Vigo

O grupo municipal do PP no Concello de Vigo lamentou este luns que os 15 meses do goberno de Pedro Sánchez foron “15 meses desperdiciados” para a cidade, porque o Executivo socialista “non só non cumpriu cos asuntos pendentes, senón que paralizou proxectos en marcha”.

Así o trasladou, a través dun comunicado remitido aos medios, o portavoz ‘popular’, Alfonso Marnotes, quen lembrou que Sánchez non só “bloqueou” ata “antonte” as transferencias a Comunidades Autonómas, senón que seguen pendentes as transferencias a concellos, no caso de Vigo, duns 6 millóns de euros. “E o alcalde e presidente da FEMP aínda non dixo nada”.

Por outra banda, Alfonso Marnotes denunciou que non se sabe “nada” da supresión da peaxe da AP-9 en Rande-Redondela, nin do soterramento da VG-20 ao seu paso por Navia.

Do mesmo xeito, criticou os “atrasos” en proxectos como o AVE a Galicia, a reforma da Avenida de Madrid, a rexeneración da fronte litoral, ou a nova autovía Vigo-O Porriño. “Perdemos 15 meses”, sentenciou Marnotes, quen engadiu que as obras que están en marcha estano porque “foron adxudicadas polo goberno do PP”.

Escoita a intevención de Alfonso Marnotes

O PP ve o Goberno de Sánchez como “15 meses desperdiciados” para Vigo.

#VigoO PP ve o Goberno de Sánchez como “15 meses desperdiciados” para Vigo.

Publicada por Noticias de Vigo en Lunes, 23 de septiembre de 2019