Pechado ao tráfico o ramal de saída a Cangas do Corredor do Morrazo por motivos de seguridade tras producirse desprendementos no punto quilométrico 11+100

Realizarase unha análise xeotécnica do noiro e adoptaranse as medidas necesarias para garantir a súa estabilidade
Publicado por o día 31/01/2019 na sección de Cangas,Galicia

Pechado ao tráfico o ramal de saída a Cangas do Corredor do Morrazo por motivos de seguridade tras producirse desprendementos no punto quilométrico 11+100

O ramal de saída a Cangas do corredor do Morrazo (CG-4.1) atópase pechado ao tráfico por motivos de seguridade tras producirse a pasada madrugada desprendementos no punto quilométrico 11+100.

Os técnicos da Axencia Galega de Infraestruturas traballan xa na retirada dos restos desprendidos da calzada e posteriormente realizarase unha análise xeotécnica do noiro e adoptaranse as medidas necesarias para garantir a súa estabilidade antes de reabrilo ao tráfico.

Trátase dunha zona non afectada polas obras de conversión en autovía do corredor do Morrazo.