Piden a cesión de uso parcial das instalacións do antigo hospital psiquiátrico do Rebullón

Proposición non de lei no parlamento galego para a realización dun convenio de cesión de uso parcial das instalacións do antigo hospital psiquiátrico do Rebullón
Publicado por o día 17/01/2017 na sección de En Marea,GañaMOS,Política,Sanidad,Vigo

Piden a cesión de uso parcial das instalacións do antigo hospital psiquiátrico do Rebullón

O grupo parlamentar de En Marea, a instancias do grupo municipal GañaMos, ven de presentar unha proposición non de lei no parlamento galego para a realización dun convenio de cesión de uso parcial das instalacións do antigo hospital psiquiátrico do Rebullón coa finalidade de atender as necesidades sociosanitarias do Concello de Mos.

Esta iniciativa comenzou hai meses cando a instancias do grupo municipal GañaMos aprobouse por unanimidade plenaria solicitar a Conselleria de Sanidade un estudo socioeconómico para a realización dun convenio de cesión de uso parcial das instalacións onde se ubicaba o antigo hospital psiquiátrico do Rebullón. Xa que lamentablemente a vila de Mos carece de centros como un xeriatrico ou un centro de día públicos onde realizar a atención sociosanitaria tan básica e necesaria.

As instalacións do antigo psiquiátrico, agora infrautilizadas e abandoadas na súa maior parte,  resultan idóneas para implementar os sevizos sociosanitarios públicos cos que atender as necesidades dos maiores do concello de Mos e aredores. Ben mediante a creación dun centro municipal ou mesmo ante a gran capacidade do edificio e anexos, dun centro comarcal público satisfacendo así as múltiples necesidades das vilas da bisbarra.

Ante a pasividade da sra Arévalo para xestionar esta demanda unánime da vila de Mos, os concelleiros de GañaMos, Aurora Giráldez e Roberto Rodríguez, abordaron ao Conselleiro de Sanidade na súa visita a Mos para insistirlle na necesidade de tramitar axiña o convenio e non deixar que se degrade ou desmantele máis dito centro.

A receptividade do Conselleiro por este proxecto foi moi excasa, claramente a súa política esta máis enfocada a desmantelar os servizos públicos existentes que a propiciar a creación duns novos.

A andaina de GañaMOS para acadar a realización deste proxecto levounos a promover que a deputada Eva Solla en representación do grupo parlamentario En Marea presentara unha Proposición non de lei para debate na comisión 5ª do parlamento galego.

Agardamos que alí teña mellor acollida porque para nós é primordial coidar dos nosos maiores e as súas familias, alegan os concelleiros do grupo municipal GañaMOS.