Podemos reitera que non é independentista e considera coherente a abstención sobre proposta que avalaba resultados do 1-O en Cataluña

Juan Merlo lembra que a postura do partido é clara e coincide coa que expresou unha inmensa maioría social este sábado, “diálogo e solucións políticas”.
Publicado por o día 09/10/2017 na sección de Galicia,Podemos,Política

Podemos reitera que non é independentista e considera coherente a abstención sobre proposta que avalaba resultados do 1-O en Cataluña

O Secretario de Organización de Podemos Galicia, Juan Merlo, reiterou hoxe que esta formación política non é independentista e por tanto, a abstención que exerceron o outro día membros da Executiva da formación morada e de EU “é coherente con esta premisa, non podíamos dar apoio e validez a unha resolución que recoñece os resultados do 1-O en Cataluña”.

Merlo explicou que a Postura de Podemos é clara e ten a ver coa petición de diálogo e de solucións políticas, sen confrontacións nin intolerancicas, “e así seguiremos, como ademais demostrou o pasado sábado unha inmensa maioría social que cubriu de bandeiras brancas todo o Estado”.

O membro da Executiva de PG, deputado ademais no GP En Marea, lemrou que Unidos Podemos foi a única formación no Congreso que mantivo, dende antes mesmo de que se convocara o Referendum do día 1, que había que empregar o diálogo para buscar unha mediación política “a un problema que claramente é político”.

“En podemos –engadiu- non queremos que Cataluña se separe do resto do Estado pero si que os cataláns poidan expresarse e se abran os debates necesarios para buscar un marco que dea encaixe no Estado á plurinacionalidade, superando o marco actual, claramente obsoleto”.