A Policía Autonómica esclarece un incendio forestal no Concello de Porto do Son

No que vai de ano, son 71 os investigados pola Policía Autonómica por delitos relacionados con lumes nos montes galegos
Publicado por o día 02/08/2017 na sección de Medio Ambiente,Sucesos

A Policía Autonómica esclarece un incendio forestal no Concello de Porto do Son

Axentes da Policía Autonómica da Xefatura de Santiago de Compostela informaron hoxe do esclarecemento dun incendio forestal no concello de Porto do Son.

A Policía Autonómica de Santiago procedeu á imputación dun varón como presunto autor dun incendio ocorrido o pasado 26 de xullo, na parroquia de Queiruga, e que afectou unha superficie rasa de 0,03 hectáreas. O lume produciuse polo lanzamento de foguetes pirotécnicos nas festas patronais da Virxe do Carme. Polos feitos descritos, tramitáronse dilixencias remitidas ao Xulgado de Garda de Noia.

Na actual campaña anti-incendios forestais do 2017, un total de 71 persoas foron detidas/ investigadas pola Policía Autonómica, como presuntas autoras de incendios forestais.