Unha actuación ambiental serviu para celebrar en Ponte Caldelas o Día Internacional dos Bosques. Coa organización do colectivo ambientalista A Rente do Chan e a colaboración do Concello varias brigadas de voluntarios dedicaron a mañá a retirar eucaliptos de varias parcelas custodiadas, cedidas polos veciños, no lugar de Gradín.

A xornada, de duro traballo, serviu tamén para fixar varias caixas niño co obxectivo de axudar á recuperación da fauna na zona.

Entre os participantes na actividade estivo o alcalde, Andrés Díaz, e o tenente de alcalde, Lito Muíños, ámbolos dous en representación do Goberno local (PSdeG-PSOE, AVP e BNG), que mantén unha estreita colaboración cos colectivos que traballan a prol da recuperación do monte. Neste caso achegáronse as luvas de traballo para tódolos participantes así como un seguro.

A iniciativa estivo enmarcada dentro da convocatoria efectuada polo colectivo-rede en favor do monte galego Cousa de Raíces.

Noticias Vigo

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.