Presentado o V Vertiatlón Solidario do MRCYB que xunta “competición, solidariedade e inclusión” no seu tríatlon sprint que completarán 200 deportistas

A Xunta de Galicia outorga un patrocinio de 9.000 euros para as actividades de vela adaptada do Monte Real ou os preto de 80.000 euros directamente destinados á Federación Galega de Deporte Adaptado, que supoñen un 26% máis que en 2018

O secretario xeral para o Deporte, José Ramón Lete Lasa, acompañado polo director xeral de Maiores e Persoas con Discapacidade, Ildefonso de la Campa, presentou o V Vertiatlón Solidario do Monte Real Club de Iates de Baiona (MRCYB) que xunta “competición, solidariedade, integración e inclusión” nunha proba onde 200 deportistas poderán desfrutar da “experiencia e calidade organizativa da Federación Galega de Tríatlon”.

O evento constará dun tríatlon sprint (750 m a nado, 20 km en bicicleta e 5 km de carreira) e a iniciativa privada farase cargo das inscricións dos atletas. O obxectivo do evento é recadar fondos para persoas con diversidade funcional.

O secretario xeral gabou ao MRCYB por saber incorporar a unha das programacións máis competitivas da náutica, “outras disciplinas e actividades que, como esta, contribúen a difundir a práctica deportiva superando barreiras”. “A diversidade funcional non debe ser nunca un impedimento para practicar deporte en igualdade de condicións”, engadiu.

Neste sentido lembrou como a Xunta de Galicia outorga un patrocinio de 9.000 euros para as actividades de vela adaptada do Monte Real ou os preto de 80.000 euros directamente destinados á Federación Galega de Deporte Adaptado, que supoñen un 26% máis que en 2018.

Pola súa banda, o director xeral de Maiores e Persoas con Discapacidade, Ildefonso de la Campa, destacou a importancia do deporte como ferramenta para a integración, así como para fomentar a autoestima e capacidade de superación das persoas con discapacidade. Neste sentido, gabou o traballo que realiza esta entidade, que aproveita a riqueza do mar para ofertar actividades deportivas adaptadas para todas as persoas.

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.

SIGUENOS EN TELEGRAM