Preto de 1.000 escolares visitan Aqualia cada ano

A empresa recibiu onte a primeira visita do novo curso escolar formada por 25 alumnos do Colexio Pintor Laxeiro
Por o 08/11/2018 | Sección: Galicia,Vigo
Preto de 1.000 escolares visitan Aqualia cada ano

Un grupo de 25 escolares do Colexio Pintor Laxeiro de Vigo foi o encargado de inaugurar o período de portas abertas que Aqualia realiza aos distintos centros docentes da cidade. Trátase dunha iniciativa que a empresa concesionaria do Servizo Municipal de Augas de Vigo realiza co obxectivo de dar a coñecer o ciclo integral do auga e poñer en valor a importancia dun recurso natural tan valioso como é a auga.

“Cada ano recibimos máis alumnos e as valoracións por parte dos profesores son mellores. Os colexios repiten e traen aos escolares a Aqualia como parte da súa actividade docente e nós estamos encantados de poder colaborar na formación dos nenos. Para Aqualia é moi importante este tipo de iniciativas que teñen o obxectivo de fomentar actitudes responsables e sostenibles respecto ao auga”, asegura José María Ardoy, director de Aqualia Vigo.

Gran acollida dos centros docentes

Durante o curso escolar anterior, preto de 800 alumnos de distintos colexios da cidade visitaron as instalacións da Estación de Tratamento de Auga Potable (ETAP) de Aqualia. Un milleiro de escolares é a cifra media que Aqualia recibe ao ano desde o curso 2012 e a gran acollida por parte dos centros docentes posibilita a posta en marcha de accións de mellora. A valoración xeral das visitas do ano pasado (de 0 a 10) foi de 9.

Entre os líderes mundiais

Aqualia é a empresa de xestión da auga participada polo grupo de servizos cidadáns FCC (51%) e polo fondo ético australiano IFM Investors (49%). A compañía é a cuarta empresa privada de auga de Europa por poboación servida e está entre as dez primeiras do Mundo, segundo o último ránking de GWI (novembro de 2017).

Na actualidade presta servizo a 22,5 millóns de usuarios en 1.100 municipios de 22 países: España, Italia, Portugal, República Checa, Polonia, Romanía, Montenegro, Bosnia, México, Chile, Uruguai, Alxeria, Exipto, Emiratos Árabes Unidos, Arabia Saudita, Serbia, Tunes, Catar, Omán, Colombia, Ecuador e Panamá.

Noticias de última hora en Vigo

Comentar noticia

Your email address will not be published.