Remata mañá a quinta semana de paros parciais no sector ferroviario

Publicado por o día 28/11/2013 na sección de CGT,SF Intersindical,Sindicatos,Vigo

Remata mañá a quinta semana de paros parciais no sector ferroviario

  Mañá cumprirase a derradeira xornada de paros parciais do mes de novembro no sector ferroviario que se están a desenvolver con normalidade sen que, durante os mesmos, producíranse incidentes de relevancia.

  Os Sindicatos SF-Intersindical e CGT completan así , a quinta semana de paros parciais, de 2 horas por quenda, realizados todos os luns e venres desde o día 28 de outubro, na que soportaron unha imposición abusiva e desproporcionada de servizos mínimos que están a limitar o dereito á folga.

  Realizaron un paro de 24 horas o pasado 30 de outubro e están convocadas outras 2 folgas de 24 horas para os días 5 e 20 de decembro. Os motivos que dan orixe a este conflito son, basicamente, a inminente privatización do sector público ferroviario por parte do PP, e xa foron expostos de forma exhaustiva ao longo de todo o proceso durante o cal, CGT e SFIntersindical, reiteradamente viñeron denunciando a irresponsabilidade da empresa que en ningún momento mostrou vontade negociadora para darlle solución negociada e intentar paliar os prexuízos causados aos usuarios.

 Ademais da supresión de 23 trens, todos os luns, e 25 trens, todos os venres, en Galicia, a regularidade e a puntualidade dos trens viuse alterada polos paros, e estímase unha media semanal en torno a 3000 viaxeiros afectados en Galiza, o que fai uns 12.000 [email protected] afectados neste mes de Novembro, dos cales 8800 corresponden, a [email protected] que utilizan o Eixo Atlántico para os seus desprazamentos de traballo ou por estudos.

 Denuncian que RENFE está a incumprir o dito polo seu Presidente na súa comparecencia na Comisión de Infraestructuras do Congreso o pasado 13 de novembro, xa que si ben comprometeuse a negociar cos Sindicatos, dende o pasado 4 de Novembro non se volveu a xuntar a Dirección da empresa co Comité Xeral de Empresa, órgano que representa a todos os [email protected] de RENFE.

 As movilizacions previstas para o mes de novembro finalizarán cunha gran MANIFESTACION a nivel ESTATAL, en Madrid, que sairá o sábado día 30 ás 12 do mediodía da estación de Chamartín con remate ás portas do Ministerio de Fomento para a que os sindicatos convocantes, desde Galicia, poñense a disposición de [email protected] [email protected] que os queiran acompañar, transporte gratuito facendo un chamamento e invitando a participar a toda a cidadanía.

PRENSA SF INTERSINDICAL E CGT