Resposta dunha mestra as críticas de “oído” de Javier Dorado

Por o 24/01/2018 | Sección: Opinión
Resposta dunha mestra as críticas de “oído” de Javier Dorado
Compartir en:

Son mestra dende hai 30 anos… por vocación, porque me sae de dentro, porque me gusta, me satisface e disfruto séndoo. Son funcionaria dende o ano 2007 porque aprobei unha oposición e ninguén me puxo a dedo; non fun recomendada por… 

Nunca votei nin ao PSOE, nin a Abel Caballero, pero dende este momento, Señor Alcalde, vai ter o meu voto… e todo o meu apoio. Cómo é posible que alguén ao que se lle presupón certo rigor, faga unhas declaracións e acusacións sobre un feito que tivo lugar no meu colexio, sen nin siquera informarse previamente? 

O Señor Javier Dorado trata de convertir unha xornada festiva para o noso alumnado nun problema político… adoctrinamento?, apoloxía de que…?

Unha mágoa, Señor Dorado! Eu non son político… son mestra. Non lle digo a vostede como ten que xestionar os seus asuntos… non cuestione o meu traballo. Non me xulgue ” de oído”…

Gustaríame aclararlle que o Señor Alcalde foi o primeiro sorprendido polo recibimento que tivo por parte do noso alumnado e que en ningún momento “les obligó a cantar” nin fixo ningún tipo de “adoctrinamiento político ” como vostede di.

O tema de Tony Lomba foi proposto por un grupo de alumnos de sexto de primaria que acudiran recentemente a un pleno infantil no Concello e quixeron agasallar ao Alcalde cunha canción que coñeceran a través das redes sociais… cousas das novas tecnoloxías!!

 

Nós, Señor Dorado, somos mestres, non políticos e educamos en liberdade, non adoctrinamos…..pero xa sabe, de educación, política e relixión todos sabemos.

No noso colexio aceptamos calquera persoa, de calquera signo político que se implique coa educación e o benestar do noso alumnado, que son os únicos protagonistas e o único que nos ocupa.

O Señor Alcalde foi o noso invitado e lamento que vostede sentira “vergüenza ajena”… o noso alumnado non o percibiu así e desfrutou coa visita do Alcalde que lonxe de dar un mitin político, ensalzou o noso colexio, as instalacións e o labor do profesorado… que para eles somos un exemplo día a día.

Prégolle que non nos compare con réximes autoritarios, oféndeme… no noso colexio educamos no respecto e a tolerancia.

Para rematar, Señor Dorado, anticípolle que para o Día da Paz estamos preparando a canción de “La muralla” de Nicolás Guillén (poeta, periodista e activista político cubano)… espero que non nos tache de comunistas.

Unha mestra