Resulta ferida ao caer desde un andamio cando trataba de rescatar un gato en Vigo

Publicado por o día 09/08/2020 na sección de Galicia,Sucesos,Vigo

Unha muller necesitou asistencia sanitaria, este mediodía, despois de precipitarse desde un andamio ao intentar coller o seu gato que se escapara da casa.

Segundo a información facilitada aos xestores do 112 polos equipos de emerxencia, debido á inestabilidade da estrutura usada para tratar de alcanzar ao felino, a muller caeu desde un segundo piso e sufriu diversas lesións.

A solicitude de axuda chegou ao 112 Galicia a través das chamadas de varios particulares que foron testemuñas do incidente ocorrido ás 13:00 horas de hoxe. Dese xeito, desde o Centro Integrado de Emerxencias de Galicia pasouse aviso aos servizos sanitarios, aos axentes da Policía Local e aos membros de Protección Civil da cidade.