Resulta ferido de consideración un operario despois de precipitarse desde un guindastre en Melide

Publicado por o día 23/07/2020 na sección de Sucesos

Resulta ferido de consideración un operario despois de precipitarse desde un guindastre en Melide

Un operario foi evacuado esta mañá ao centro hospitalario de referencia despois de sufrir diversas lesións a causa dunha caída en Melide. Os feitos tiveron lugar ao fío das 10:45 horas cando o traballador se desequilibrou desde o guindastre sobre o cal traballaba, precipitándose  dunha altura de aproximadamente cinco metros.

O 112 Galicia tivo constancia do suceso ao recibir a chamada de alerta dunha persoa particular que solicitaba axuda para o ferido. De acordo coa información facilitada aos xestores do 112, o operario atopábase liberado e accesible, pero necesitaba asistencia urxente.

Así, desde o Centro Integrado de Atención ás Emerxencias de Galicia, pasouse aviso de inmediato aos profesionais de urxencias sanitarias que, debido á gravidade das lesións, comunicaron ao 112 a mobilización do helicóptero medicalizado con base en Santiago.

Para colaborar no operativo, desprazáronse ata o lugar do suceso -na estrada de Agolada- tras recibir o aviso do 112 Galicia, os axentes da Policía Local e da Garda Civil, así como, os voluntarios de Protección Civil da localidade.

Comentar noticia

Your email address will not be published.