Reunión En Marea con Podemos, En Comú Podem e Compromís-Podemos-És el moment

Publicado por o día 12/01/2016 na sección de En Marea,Política

Reunión En Marea con Podemos, En Comú Podem e Compromís-Podemos-És el moment

En Marea reuniuse esta mañá con Podemos, En Comú Podem e Compromís-Podemos para defender conxuntamente os grupos parlamentarios propios

 Representantes de En Marea continúan coa rolda de xuntanzas para conquerir os máximos apoios de cara a contar con grupo parlamentario propio no Congreso dos Deputados esta lexislatura. Esta mañá a reunión foi co secretario xeral de Podemos, Pablo Iglesias, e máis cos representantes das candidaturas de confluencia de En Comú Podem, Xavi Doménech, e de Compromís-Podemos-És el moment, Joan Valdoví.

Na rolda de prensa posterior á reunión, a portavoz de En Marea, Alexandra Fernández, expresou a unidade fraterna dos asistentes á hora de facer unha lectura sobre o novo escenario político que se abriu tralas eleccións do 20D. “Concordamos en que os tres grupos de Galicia, Cataluña e Valencia (En Marea, En Comú Podem e Compromis-Podemos- És el moment) cumprimos os requisitos necesarios para conformar grupo e que estamos no noso dereito de esixir grupo parlamentario”, dixo.

Tamén recordou que durante esta semana En Marea abriu diálogos co PSOE para acadar un entendemento e que asuman este novo escenario de pluralidade. “Dende En Marea transmitímoslles que estamos dispostos a negociar os tempos e o financiamento, ese non é o problema. É unha cuestión democrática e non imos tolerar unha fraude democrática que no noso caso suporía que o 25% dos galegos non tiveran representada a súa voz no Congreso. Somos moito máis que a suma das partes. Somos os representantes de miles e miles de cidadáns que nos votaron e por iso continuamos instando ó PSOE que elixa entre unha postura inflexible sen entender o novo momento político ou abrir un diálogo fraternal e verdadeiro que nos permita traballar en conxunto”, concluiu a portavoz de En Marea.

PRENSA EN MAREA