Satisfacción do colectivo Os Ninguéns trala paralización temporal do despexo cuxo prazo se activaba mañá 27 de agosto dunha familia con menores

A familia atópase moi aliviada
Publicado por o día 26/08/2020 na sección de Galicia,Os Ninguéns,Protestas,Social,Vigo

Satisfacción do colectivo Os Ninguéns trala paralización temporal do despexo cuxo prazo se activaba mañá 27 de agosto dunha familia con menores

Logo da concentración convocada hoxe na Dinoseta e trala reunión da nai afectada por un despexo que se produciría a partires de mañá 27, e un representante de Os Ninguéns coa concelleira do departamento de Benestar este mesmo mediodía; esta concelleira rematou varias xestións que deron como resultado obter un prazo de catro meses de permanencia no piso actual: polo tanto, o despexo será temporalmente paralizado.

Igualmente, a concelleira púxose en contacto co Director Xeral de inclusión social da Xunta, para iniciar unha interlocución dirixida a tentar atopar unha vivenda (esperamos que nesta cidade, e que sexa confortable e permanente).

“Agradecemos ampliamente o opoio de todas as persoas que traballan diariamente visualizando este tipo de realidades, e que axudaron a insistir en pos dunha solución institucional que levabamos meses xunto con esta familia, reclamando” manifesta o colectivo socioeducativo Os Ninguéns.

“Pensamos tamén que estes temas deberían deixar de xudicializarse, para atallarse previamente dende os servizos sociais” afirman.

“Recordamos que a concellería ten información de máis familias nesta situación, nós mesmas trasladamos dous casos máis de despexo inminente e unha familia que mora unha infravivenda: por isto insistimos en conquerir un parque público en réxime de aluguer social que continuamos esixindo ás administracións públicas, porque desafortunadamente este caso non é puntual e seguirán aparecendo cada día (e máis cando remate a moratoria estatal en outubro)” denuncian.

“Esperamos que logo deste bó desenlace que da un pequeno balón de osíxeno para seguiren traballando en atopar unha alternativa permanente se reflexione sobre a importancia de coordinarse entre administracións para lograr unha solución colectiva para todas as persoas empobrecidas que a precisen” mostran a sua satisfación e concluen.

Comentar noticia

Your email address will not be published.