Satisfacción en Ponte Caldelas polo mantemento da bandeira azul para a praia da Calzada

O Goberno local inicia os trámites para a contratación dos socorristas
Publicado por o día 08/05/2019 na sección de Galicia,Ponte Caldelas

Satisfacción en Ponte Caldelas polo mantemento da bandeira azul para a praia da Calzada

O Concello de Ponte Caldelas celebra a concesión da bandeira azul para a praia fluvial da Calzada pola Asociación de Educación Ambiental e do Consumidor (ADEAC) por cuarto ano consecutivo no que vai de mandato municipal, revalidando así o legado recibido trala concesión deste distintivo no ano 2015.

Á concesión da bandeira azul para a praia fluvial súmase tamén ao recoñecemento como Sendeiro Azul que distingue ao roteiro circular de 8,5 Km que discorre polas beiras do río Verdugo e inclúe os fermosos pasos da Fraga e de Portasouto, que foi outorgado a Ponte Caldelas no ano 2016.

O Goberno municipal subliña que Ponte Caldelas mantén este distintivo nun marco global galego no que o número de bandeiras azuis diminúe ano tras ano.

Nos próximos días iniciarase o procedemento para a contratación dos tres socorristas necesarios para que a praia conte de xeito permanente con este servizo. Ponte Caldelas volverá ofertar tres meses de traballo, entre o 15 de xuño e o 15 de setembro, e o salario do convenio aplicable a este sector, condicións laborais que estableceu o ano pasado.

Comentar noticia

Your email address will not be published.