Tellado acusa ao PSdeG de ser cómplice silencioso do desgoberno de Pedro Sánchez e de facerlle oposición a Galicia

O secretario xeral do PPdeG, Miguel Tellado, instou novamente ao Goberno socialista a que abandone as escusas e transfira dunha vez a Galicia os 700 millóns de euros que lle corresponde e que son recursos de todos os galegos.
Publicado por o día 28/08/2019 na sección de Partido Popular,Política

Tellado acusa ao PSdeG de ser cómplice silencioso do desgoberno de Pedro Sánchez e de facerlle oposición a Galicia

Neste senso, dixo que o Executivo de Pedro Sánchez está aplicando neste asunto a estratexia da chantaxe e que o PSdeG o está a utilizar “como arma para facerlle oposición a Galicia”.

Segundo apuntou nunha entrevista na Cadena SER, a diferenza do PSdeG, o Goberno galego está a ser igual de reivindicativo co goberno de Pedro Sánchez que co de Mariano Rajoy: “Aqueles que criticaban tanto a Mariano Rajoy, agora son cómplices silenciosos do desgoberno de Pedro Sánchez”. Así, puxo como exemplo a situación da industria electrointensiva para afondar en que, a diferenza do Goberno do Partido Popular que si adoptaba medidas para acadar solucións, “Pedro Sánchez aplica a chantaxe”. E é que, tal e como explicou, cada vez que se lle pide que resolva un problema, pide antes o apoio para a súa investidura.

Ante a posibilidade dunhas novas eleccións xerais, o secretario xeral dos populares galegos indicou que sería “o resultado da desidia e da ambición desmedida de Pedro Sánchez”, o que, precisamente, está a causar unha situación de parálise en España desde hai máis dun ano.

O GOBERNO DA MAIORÍA SOCIAL

“O PPdeG leva anos sumando”, salientou Tellado, quen recordou que desde 2009 os galegos levan depositando a súa confianza maioritaria nun proxecto político “de amplo espectro, baseado na maioría social de galegos que queren estabilidade, un goberno moderado, reformista, centrado nos problemas e que tome decisións”.

Subliñou que a alternativa ao PPdeG é a suma do PSdeG, BNG, Podemos e as Mareas de Podemos, polo que fixo fincapé en que “Galicia non precisa un goberno das catro esquerdas que se repartan a Xunta, senón a estabilidade que dá un goberno do PPdeG: moderado, centrado e que representa á maioría social”. Neste senso, Tellado aproveitou para poñer en valor o traballo do presidente Feijóo por mellorar esta comunidade e incidiu en que hai unha estabilidade que non hai a nivel nacional, que está dando os seus froitos no ámbito económico, do emprego e no desenvolvemento dos servizos públicos.

Cualificou de positiva a oferta que o PP nacional fixo ao resto de partidos de centro dereita para acudir unidos ás urnas baixo a marca España Suma. E, en referencia a Galicia Suma, o número dous dos populares galegos asegurou que esa fórmula na nosa comunidade non é necesaria, xa que “en Galicia quen suma é o PPdeG” e os datos electorais dos últimos dez anos así o acreditan. “A nosa marca é PPdeG, a que máis suma e a que máis valor engadido ten”, engadiu Tellado.