Tomiño acolle até o 17de febreiro a exposición fotográfica “15 visións – Express-Arte”

Publicado por o día 09/02/2020 na sección de Galicia,Tomiño

Tomiño acolle até o 17de febreiro a exposición fotográfica “15 visións – Express-Arte”

O Concello de Tomiño acolle até o 17 de febreiro próximo a exposición fotográfica “15 visións – Express-Arte”, creada no marco do programa de inserción laboral para vítimas de violencia de xénero e impulsada pola Asociación de Xóvenes Emprendedores Lucenses (AXEL).

A mostra, situada no 1º andar do Mercado Municipal e incluída na Axenda de Primavera, recolle o traballo artístico realizado por 15 mulleres vítimas de violencia de xénero versionando obras de arte recoñecidas na historia, como “A Gioconda”, de Leonardo da Vinci, ou “La maja vestida”, de Goya. Ditas fotografías ofrecen unha perspectiva diferente baixo o prisma de xénero das realidades que son representadas nesas imaxes.