Trasladada en helicóptero unha muller que foi atopada flotando na auga, nunha Praia de Cangas

Publicado por o día 28/08/2019 na sección de Cangas,Galicia,Sucesos

Trasladada en helicóptero unha muller que foi atopada flotando na auga, nunha Praia de Cangas

Un helicóptero trasladou esta tarde a unha muller que foi atopada flotando na auga, ao final da Praia de Vilariño, en Aldán.

Sucedeu ao fío das 15 :45 horas cando, a esa hora, un particular chamou ao 112 Galicia para comunicar o achado. A partir de aí, os profesionais do Centro Integrado de Atención ás Emerxencias (CIAE) 112 Galicia puxeron os feitos de inmediato en coñecemento do persoal de Salvamento Marítimo, do Servizo de GardaCostas de Galicia e dos Servizos Sanitarios de Urxencia de Galicia-061. Do mesmo xeito, alertaron aos axentes da Garda Civil, Policía Local e aos membros do Servizo Municipal de Protección Civil da localidade.

Segundo a información facilitada ao 112 Galicia, por parte do alertante, unha persoa particular que se atopaba no lugar foi quen sacou á muller da auga, que tras ser reanimada na mesma Praia, foi evacuada polo persoal sanitario na aeronave ata o Hospital Álvaro Cunqueiro de Vigo.