Tres persoas resultaron feridas, unha delas de gravidade, como consecuencia dun accidente de tráfico en Cuntis

Publicado por o día 09/06/2019 na sección de Sucesos

Tres persoas resultaron feridas, unha delas de gravidade, como consecuencia dun accidente de tráfico en Cuntis

Tres persoas resultaron feridas, unha delas de carácter grave, como consecuencia dun atropelo na N-640, ao paso por Cuntis.

Segundo a información recibida no 112 Galicia, a persoa ferida grave foi alcanzada por un turismo cando se apeaba doutro na recta da Anllada.

En total, tres persoas, a que foi atropelada, e as outras dúas que viaxaban no turismo implicado necesitaron asistencia médica como consecuencia do impacto, que se produciu ás 18:30 horas no quilómetro 213 da N-640.  Ata alí dirixiuse un operativo formado polos profesionais do 061-Urxencias Sanitarias e os membros do GES da Estrada e Bombeiros de Vilagarcía, xa que nun primeiro momento pensouse que a persoa atropelada estaba ademais atrapada baixo o turismo. Unha vez descartada esta información, os servizos sanitarios centráronse na atención dos feridos, dos cales dous, os ocupantes do turismo, foron evacuados en ambulancia e o máis grave, o atropelado, no helicóptero medicalizado con base en Santiago.

Tamén se mobilizaron os axentes da Garda Civil de Tráfico e o persoal de limpeza e mantemento do Ministerio de Fomento para a retirada dos restos provocados polo accidente e restablecer así as condicións de seguridade na vía.

Dous motoristas feridos en San Cibrao

Ademais, o 112 Galicia tivo coñecemento doutro accidente no que se viron implicados dous motoristas. Ocorreu pasadas as seis desta tarde na N-525 ao paso pola localidade ourensá de San Cibrao das Viñas, onde dúas motos colidiron entre si e resultaron feridos ambos os dous condutores.

Para a atención dos implicados no accidente, o persoal do 112 puxo os feitos en coñecemento dos servizos sanitarios de urxencia, membros do GES de Pereiro de Aguiar e Garda Civil de Tráfico.

Comentar noticia

Your email address will not be published.