Tui prepara varias actividades para conmemorar o 8 de marzo, Día Internacional da Muller, organizadas dende a concellería de Servizos Sociais.
Por unha banda 250 alumnos e alumnas dos institutos San Paio, Indalecio Pérez Tizón e do Colexio Maristas están a participar nos obradoiros “Nin bombeiros, nin enfermeiras” sobre esta data que imparte a técnica do Servizo de Prevención do propio concello e que se estende ao longo da varias semanas.
Por outra parte de xeito simbólico a Área Panorámica iluminarase de lila na noite do xoves 7 ao venres 8 de marzo, ao tempo que se colocarán pancartas conmemorativas na fachada deste edificio e tamén da casa do concello.
Amais para visibilizar esta data o comercio local repartirá o propio venres 8 dúas mil bolsas conmemorativas. Os comercios que desexen participar deberán recoller as bolsas o mércores 6 e o xoves 7 no departamento de Servizos Sociais na casa do concello, onde lles serán entregados tamén un globos lila, cos que poderán decorar os seus escaparates, sinalando así a colaboración na campaña.
Por último o venres 8 ás 12.30 h na praza do Concello está convocada unha concentración, e será lido un manifesto conmemorativo deste Día Internacional da Muller a cargo da directora do CRA Mestra Clara Torres, Teresa Domínguez.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.