Última semana para inscribirse no “Flota como poidas” do domingo 18

Os interesados deben anotarse no mail [email protected] (onde deben solicitar a ficha de inscrición) ou no departamento de Turismo do Concello de Nigrán
Publicado por o día 12/08/2019 na sección de Galicia,Nigrán

Última semana para inscribirse no “Flota como poidas” do domingo 18

O Concello de Nigrán pecha o 16 de agosto o prazo de inscrición para participar na xa tradicional concentración de “artefactos flotantes” chamada “Flota Como Poidas”, que terá lugar o domingo 18 de agosto ás 17:30 horas na ponte de Ramallosa, no Río Miñor. Os interesados teñen de 9.00 a 13.30 para anotarse na oficina de turismo do Concello de Nigrán ou ben no mail [email protected] (neste mail teñen que solicitar previamente a ficha de inscrición). A recollida de dorsais será no punto de saída o mesmo día de 16.00 a 17.00 horas. Entre tódolos participantes sortearase un kayak e os premiados levarán cadansúa cesta de froitas e o seu diploma.

É obrigatorio o uso de chaleco salvavidas, correndo a cargo de cada participante. O Concello premiará o artefacto flotante máis traballado e máis cutre, a tripulación máis simpática, a familia máis intrépida e participativa, o tripulante máis vello e máis novo e ao “Titanic” da edición.

Comentar noticia

Your email address will not be published.