O pasado venres ás 17:20 horas, o vandalismo foi o desafortunado protagonista dun lamentable episodio que, como única notas positivas pode destacarse que non houbo que lamentar danos persoais e finalmente o responsable pagará polos seus actos.

A central do 092 da Policía Local de Vigo recibiu unha chamada a cal alertaba sobre un incendio na zona de Bouzas.

Ao lugar desprazáronse varias patrullas e bombeiros, comprobando que se trataba dun incendio ocasionado por lume provocado nun colchón depositado xunto a un contedor. Lamentablemente a parte do citado colector, as chamas causaron danos nun turismo estacionado nas súas proximidades.

O mando de bombeiros, unha vez sufocado o lume indicou a necesidade de localizar ao propietario do vehículo para proceder a ventilarlo e ver se quedaba algún lume no interior. Tamén informou que había unha testemuña, trasladándose ao domicilio da citada para pescudar datos do posible autor do feito.

A citada manifestou que se atopaba no balcón e observou a un home, – do cal facilitou características -, que se agacha á altura do vehículo afectado, vendo perfectamente como prende lume ao colchón que comezou a arder, abandonando o lugar apresuradamente.

Esta información facilitou a localización do citado que finalmente foi detido por un delito de danos ao patrimonio privado.

Tras o cal informouse do feito ao propietario do turismo danado, tras lograr contactar con el telefonicamente, manifestando que estaba fóra da comunidade autónoma, polo que derivou a un veciño de confianza os trámites para facerse cargo do vehículo, acudíndose o citado no lugar aos poucos minutos.