Un condutor logra saír do seu coche cando comezaba a arder

Publicado por o día 31/08/2018 na sección de Sucesos

Un condutor logra saír do seu coche cando comezaba a arder

Un condutor logrou saír do coche que conducía antes de que comezara a arder. Sucedeu pouco antes das seis desta madrugada no punto no que enlazan a Autovía de Noia e a AP-9, en Santiago de Compostela.

Segundo a información facilitada ao 112 Galicia, o vehículo saíuse da vía, superou a mediana e comezou a arder. Sen embargo, o seu condutor puido abandonar o coche con tempo suficiente antes de que as lapas devoraran por completo o automóbil. Igualmente, desde o 112 Galicia, solicitouse a intervención dos efectivos do 061-Urxencias Sanitarias co fin de atender ao condutor das posibles feridas causadas polo impacto.

Tamén se informou aos Bombeiros de Santiago, que sufocaron o incendio que calcinou o vehículo na súa totalidade. Cómpre sinalar que os efectivos de extinción contaron coa colaboración dos membros do GES de Brión e dos axentes da Garda Civil de Tráfico.