Un total de 15 empresas presentan as súas ofertas para excutar a nova estación de autobuses intermodal de Vigo, cun invetimento de case 16 millóns de euros

A contratación incluirá a construción da estación de autobuses e a parte dos accesos e dos túneles que chegan ata a mesma e a previsión é iniciar as obras da nova terminal de Urzáiz no 1ºsemestre de este ano
Publicado por o día 11/03/2019 na sección de Galicia,Vigo

Un total de 15 empresas presentan as súas ofertas para excutar a nova estación de autobuses intermodal de Vigo, cun invetimento de case 16 millóns de euros

Un total de 15 ofertas presentan as súas ofertas para a execución das obras da nova estación de autobuses intermodal de Vigo, cun investimento de case 16 millóns de euros.

A licitación incluirá a nova estación de autobuses e a parte dos accesos e dos túneles que chegan ata a mesma, e contan cun prazo de execución total de 18 meses, desde o seu inicio. As actuacións enmárcanse no conxunto intermodal planificado en Urzáiz, composto pola estación de ferrocarril, o centro comercial, a nova terminal de autobuses e os accesos ao complexo. A previsión é iniciar a execución das obras na primeira metade de 2019.

A tramitación do proxecto fíxose ao abeiro da Lei 3/2016 para proxectos públicos de urxencia ou excepcional interese e é o que permite licitar as obras da nova estación de autobuses e os accesos, así como o recente inicio da execución do Centro Vialia.

A Xunta, o Concello de Vigo e o Adif traballan coordinadamente no desenvolvemento da estación intermodal, que debe sincronizar a execución da terminal de autobuses coa do Centro Vialia e dos accesos, que financian conxuntamente as tres administracións. A nova estación de autobuses intermodal conta ademais co co financiamento dos Fondos FEDER Galicia 2014- 2010.

A execución da estación de autobuses ao carón do centro Vialia e da estación de ferrocarril permitiralles aos usuarios o cambio de transporte dun xeito máis rápido e cómodo, a través dunha zona habilitada especialmente, adaptada para as persoas con mobilidade reducida.