Un total de seis operarios resultaron afectados por unha acumulación de gases nun garaxe en Vigo

Publicado por o día 14/07/2020 na sección de Galicia,Sucesos,Vigo

Un total de seis operarios resultaron afectados por unha acumulación de gases nun garaxe en Vigo

En total, foron seis os operarios que onte tiveron que ser evacuados dun garaxe ante a acumulación de gases provocada pola maquinaria e vehículos a gasóleo que estaban empregando no espazo pechado.

Así o comunicaron os Bombeiros de Vigo ao persoal do 112 Galicia unha vez que remataron a súa intervención, sobre as 20:30 horas de onte.

Foi preto das seis da tarde cando o 112 Galicia recibiu o aviso de Urxencias Sanitarias de Galicia-061 porque estaban atendendo a varios traballadores con vómitos e mareos no interior dun garaxe situado na Rúa Fernando Conde. Para tratar de averiguar se os síntomas que presentaban os operarios tiñan relación cunha posible intoxicación por gas, o persoal do Centro Integrado de Atención ás Emerxencias de Galicia mandou un aviso aos Bombeiros de Vigo.

Efectivamente, no interior das instalacións había unha alta concentración de gases procedentes da maquinaria e chimpíns que estaban a utilizar nun espazo pechado para a colocación do pavimento.

Comentar noticia

Your email address will not be published.