Unha colisión múltiple a causa dun turismo que circulaba en sentido contrario deixa unha muller ferida en Pontevedra

Por o 29/01/2019 | Sección: Sucesos
Unha colisión múltiple a causa dun turismo que circulaba en sentido contrario deixa unha muller ferida en Pontevedra

Unha persoa resultou ferida onte tras producirse unha colisión múltiple ao circular un vehículo en dirección contraria na PO-10 e chocar contra outros tres vehículos. Os feitos tiveron lugar, concretamente, no termo municipal de Pontevedra, no punto quilométrico 1, sentido O Marco. A causa do impacto, a ocupante dun dos turismos implicados resultou ferida e foi trasladada polos servizos sanitarios ao centro hospitalario de referencia.

O Centro Integrado de Atención ás Emerxencias (CIAE) 112 Galicia recibía a chamada de varias persoas ao fío das 21:15 horas da pasada noite. Indicaban no seu relato, que un vehículo accedera á estrada en dirección contraria e, tras colidir contra os vehículos, unha muller quedara atrapada nun deles.

Decontado, os xestores do CIAE-112 Galicia informaron do sucedido a os Bombeiros de Pontevedra, aos axentes da Garda Civil de Tráfico e ao 061-Urxencias Sanitarias. Así mesmo, informouse á Policía Local, aos membros de Protección Civil da localidade e ao servizo de mantemento da autoestrada.

Finalmente, os membros do Servizo de Prevención, Extinción de Incendios e Salvamento descartaron o uso do material de excarcelación para liberar a muller, pola contra, si foi preciso para abrir a porta do turismo que quedou atrancada tras o impacto.

Comentar noticia

Your email address will not be published.