Unha colisión múltiple deixa tres persoas feridas en Nigrán

Publicado por o día 29/12/2020 na sección de Galicia,Nigrán,O Grove

Unha colisión múltiple deixa tres persoas feridas en Nigrán

Tres persoas resultaron feridas despois de colidir tres vehículos ao seu paso polo concello pontevedrés de Nigrán, así o indicaron os axentes da Policía Local tras chegar ao punto.

Todo ocorreu sobre as 17:15 horas desta tarde. Foi a esa hora cando unha persoa particular informaba ao 112 Galicia dun choque entre tres vehículos e con feridos na PO-552, na Ramallosa.

A partir de aí, os xestores do 112 pasaron aviso ao Servizo de Urxencias Sanitarias de Galicia-061, á Garda Civil de Tráfico, á Policía Local e aos efectivos de Protección Civil da localidade.

Persoa excarcerada no Grove

Por outra banda, ao fío das 13:30 horas de hoxe, o 112 Galicia era informado doutro accidente no concello do Grove. Un coche envorcou cando circulaba á altura do Monte das Flores. Por fortuna, as feridas causadas ao seu ocupante non parecían revestir gravidade, sen embargo, si foi precisa a intervención dos Bombeiros de Ribadumia para liberar á persoa do interior do vehículo.

Ademais dos Bombeiros, ata o lugar acudiron nada mais ser alertados polo 112 Galicia, o persoal do Servizo de Urxencias Sanitarias de Galicia-061, os axentes de Tráfico, da Policía Local e os membros do GES de Sanxenxo e de Protección Civil da localidade.

Comentar noticia

Your email address will not be published.