Unha misión do Viceministerio de Fomento a las Mipymes da República Dominicana visita o campus

Por o 22/07/2019 | Sección: Galicia,Universidade de Vigo,Vigo
Unha misión do Viceministerio de Fomento a las Mipymes da República Dominicana visita o campus
Compartir en:

A vicerreitora de Responsabilidade Social, Internacionalización e Cooperación, Maribel Doval, recibiu este luns no campus de Vigo ás e aos integrantes unha delegación do Viceministerio de Fomento a las Mipymes da República Dominicana, encabezada polo viceministro Ignacio Méndez. Doval, que estivo acompañada na visita da misión dominicana, polas directoras técnicas da Oficina de I+D, Ángeles López, e da Oficina de Relacións Internacionais, Amelia Rodríguez, abordou coa delegación caribeña a posibilidade de establecer acordos de colaboración e intercambios ao abeiro dos proxectos que desenvolve o Ministerio de Industria, Comercio y Mipymes na República Dominicana.

A delegación do Viceministerio de Fomento a las Mipymes está a visitar ata mañá martes escolas de artes plásticas e deseño, tecnolóxicas e de oficios de Vigo, ademais de manter encontros con autoridades provinciais e locais, como resultado do Proyecto de Artesanía que executa o Ministerio na rexión Enriquillo, financiado pola Agencia Española de Cooperación Internacional para el desarrollo AECID.

Comentar noticia

Your email address will not be published.