Unha moza, ferida ao caerlle enriba un tronco dunha árbore en Ortigueira

Por o 17/01/2018 | Sección: Sucesos
Unha moza, ferida ao caerlle enriba un tronco dunha árbore en Ortigueira
Compartir en:

Unha moza resultou ferida en Ortigueira despois de caerlle enriba un tronco dunha árbore mentres paseaba pola Praia de Morouzos. Os feitos ocorreron ao fío das 17:30 horas.

Foi nese momento cando a ferida contactaba co 112 Galicia para alertar do sucedido. Indicaba no seu relato que unha onda moi forte levantara un tronco e caera sobre ela. Engadía que non se podía mover.

Con estes datos, o persoal do CIAE pasaba o aviso ao 061-Urxencias Sanitarias, á Policía Local e ao GES de Ortigueira. Ademais, dende o CIAE informouse do ocorrido aos Bombeiros do Eume.

Unha vez no lugar dos feitos, os axentes da Policía Local e os efectivos do GES liberaron á moza levantando o tronco. Finalmente, a ferida foi trasladada nunha ambulancia ata un centro médico.