Unha muller foi trasladada esta tarde ao Hospital do Salnés debido aos síntomas de intoxicación por inhalación de fume dun incendio na súa casa.

Ocorreu pasadas as 16:00 horas na Avenida da Ponte, a onde se dirixiron os Bombeiros de Vilagarcía para sufocar o lume provocado polo motor dunha bañeira hidromasaxe.

A causa do intenso fume, unha das ocupantes da vivenda tivo que ser evacuada ao presentar síntomas de intoxicación.

Ademais dos bombeiros, o persoal do 112 Galicia pediu a colaboración dos membros do GES de Valga, Protección Civil da localidade e axentes da Garda Civil.

Noticias Vigo

Noticias de última hora en Vigo