Publicado por 
A menor circulaba coa súa bicicleta pola parroquia de Dimo, cando un turismo a atropelou.
O 112 Galicia tivo constancia do suceso, ás 17:00 horas desta tarde, a través da chamada dun particular que presenciara o accidente.
Aínda que o alertante aseguraba que a nena estaba liberada e accesible, o 112 Galicia ademais de informar ao Servizo de Urxencias Sanitarias de Galicia-061, puxo os feitos en coñecemento dos membros do GES de Padrón, de Protección Civil da localidade e dos Bombeiros de Vilagarcía. De igual xeito, foron informados os axentes da Garda Civil de Tráfico.
Finalmente, a menor foi trasladada en ambulancia ao centro hospitalario de referencia.
Menor en bicicleta ferido en Marín
Media hora antes, ás 16:30 horas, tamén o 112 Galicia recibiu o aviso doutro accidente de bicicleta no concello de Marín. Neste caso, tratouse dun menor que caeu da bici cando circulaba pola Avenida de la Cañota, á altura do número oito. O alertante aseguraba que o neno non reaccionaba.
O 112 Galicia informou decontado ao Servizo de Urxencias Sanitarias de Galicia-061, aínda que foi o seu pai quen trasladou ao neno a un centro sanitario da localidade.
Os axentes da Policía Local, os Bombeiros de Pontevedra, do Morrazo e os efectivos de Protección Civil de Marín tamén foron informados do suceso polo 112 Galicia.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.
