Unha nena queda atrapada nun turismo envorcado na A-55, en Tui

Publicado por o día 10/06/2018 na sección de Galicia,Sucesos,Tui

Unha nena queda atrapada nun turismo envorcado na A-55, en Tui

O Centro Integrado de Atención ás Emerxencias (CIAE) 112 Galicia tivo coñecemento do suceso ás 00:30 horas de hoxe mediante a chamada de alerta dun particular que avisou dunha colisión entre dous turismos na A-55 en dirección sur, ao paso por Guillarei. Sinalou que un dos vehículo estaba envorcada e cabía a posibilidade de que houbese algunha persoa atrapada no interior.

Efectivamente, unha menor necesitou da intervención dos bombeiros do Baixo Miño para poder saír do vehículo e ser atendida polos profesionais do 061-Urxencias Sanitarias desprazados no lugar do accidente.

Unha vez liberada, a menor foi evacuada nunha ambulancia, xunto con outra persoa implicada no sinistro, que tamén necesitou asistencia médica.