Unha persoa, evacuada en helicóptero despois de caerse dun cabalo en Abegondo

Unha persoa resultou ferida de gravidade ao caerse mentres montaba a cabalo no termo municipal coruñés de Abegondo. Segundo os datos facilitados ao 112 Galicia, a persoa ferida tivo que ser trasladada no helicóptero medicalizado con base en Santiago do 061-Urxencias Sanitarias ata un centro hospitalario.

Sucedeu na parroquia de Figueroa, ao fío das 13:20 horas. Nese momento, foron os profesionais sanitarios os que alertaron do sucedido ao 112 Galicia.