Unha persoa resulta ferida en Castro de Rei despois de colidir dous vehículos

Publicado por o día 12/05/2020 na sección de Sucesos

Unha persoa resulta ferida en Castro de Rei despois de colidir dous vehículos

Unha colisión entre dous vehículos saldouse cunha persoa ferida  no municipio lucense de Castro de Rei. Ata o lugar, desprazáronse os Bombeiros de Vilalba para liberar á persoa,  que quedou atrapada no interior dun dos vehículos.

O Centro Integrado de Atención ás Emerxencias (CIAE) 112 Galicia tivo constancia do accidente, sobre as 12:00 horas deste mediodía.  Foi un particular quen, a esa hora, informou ao 112 Galicia dun accidente na N-640, á altura de Ludrio, na localidade citada.  Aínda que nun primeiro momento, o alertante asegurou que non eran necesarios os medios de excarceración, unha vez no punto, os servizos de emerxencia alí desprazados comprobaron que unha persoa si estaba atrapada no interior dun dos vehículos.

Ademais do Servizo de Urxencias Sanitarias de Galicia-061, o 112 Galicia puxo os feitos en coñecemento dos Bombeiros de Vilalba, de Lugo e dos axentes de Tráfico.

Finalmente, os Bombeiros comunicaron que cando chegaron a persoa xa fora liberada. Indicaron ademais, que o furgón onde se encontraba o ferido contiña botellas de gases medicinais, unha delas afectada debido ao impacto, polo que procederon a liberar o contido do recipiente.

Comentar noticia

Your email address will not be published.