Unha saída de vía sáldase cunha persoa excarcerada na Coruña

Publicado por o día 27/07/2020 na sección de A Coruña,Galicia,Sucesos

Unha saída de vía sáldase cunha persoa excarcerada na Coruña

Os servizos de emerxencia interviñeron na noite de onte para liberar unha persoa atrapada no interior do seu vehículo despois de sufrir unha saída de vía na Coruña.

Ás 21:30 horas, o 112 Galicia foi informado dun accidente próximo á Universidade de Arquitectura. Segundo a información facilitada aos xestores do 112, o turismo saíuse completamente da vía e caeu por un desnivel. Tras o impacto, o ocupante do vehículo non era quen de abandonalo polos seus propios medios.

Así, desde o 112 Galicia solicitouse a intervención dos Bombeiros da Coruña, dos axentes da Policía Local e avisouse tamén aos voluntarios de Protección Civil.

Unha vez no lugar dos feitos, os equipos de emerxencia empregaron o material de excarceración para liberar á persoa que, finalmente, puido ser trasladada ao Complexo Hospitalarios Universitario da Coruña polos servizos sanitarios de urxencia.

Comentar noticia

Your email address will not be published.