Unha veciña de Cambre resultou ferida a causa da explosión dun alambique

Publicado por o día 25/08/2020 na sección de Sucesos

Unha veciña de Cambre resultou ferida a causa da explosión dun alambique

A explosión dun alambique provocou diversas queimaduras a unha veciña do Concello de Cambre.

Probablemente, a acumulación de gases procedentes da fermentación fixo explosionar o aparello sen causar danos na estrutura do inmoble. Iso si, ocasionou lesións de diversa consideración á muller, que tivo que ser atendida e evacuada ao centro hospitalario de referencia.

Cómpre sinalar que este suceso produciuse ás 13:30 horas de hoxe no lugar de Gamelas, segundo explicaron os familiares que chamaron ao 112 Galicia para pedir asistencia médica urxente para a señora, pois se queixaba da dor que lle provocaban as feridas. Deste xeito, desde o Centro Integrado de Atención ás Emerxencias de Galicia, solicitouse a intervención dos profesionais de Urxencias Sanitarias de Galicia-061 e dos Bombeiros de Arteixo, que, xunto cos membros do Servizo Local de Protección Civil, comprobaron que a explosión nin causara incendio nin danos na estrutura.

Foron os efectivos do parque comarcal quen, tras valorar a situación, indicaron que, posiblemente, a acumulación de gases de fermentación ocasionara a explosión do alambique no soto da vivenda.

Neste operativo tamén participaron os axentes da Policía Local e da Garda Civil.

Comentar noticia

Your email address will not be published.