Uns 32.000 estudantes de ESO e Bacharelato cursan materias de Libre Configuración Autonómica en Galicia

Este ano ofertouse por primeira vez Coeducación para o século XXI e Sociedade Inclusiva
Publicado por o día 30/12/2018 na sección de Educación

Uns 32.000 estudantes de ESO e Bacharelato cursan materias de Libre Configuración Autonómica en Galicia

Un total de 32.000 alumnas e alumnos están cursando actualmente algunha das 25 materias de Libre Configuración Autonómica que poden ofertar os centros escolares de ESO e Bacharelato de Galicia ao abeiro dos currículos deseñados pola Consellería de Educación, Universidade e Formación Profesional.

A Consellería ampliou en dúas materias máis a oferta deste ano con respecto ao curso pasado, polo que pon á disposición dos centros escolares un total de 14 materias distintas con 26.395 matriculados para a etapa de Educación Secundaria Obrigatoria (ESO) e 11 materias e 5.657 matriculados para a etapa de Bacharelato.

Por materias, a máis demandada é a de Oratoria, que cursan 5.787 rapaces de 149 centros; seguida da de Promoción de estilos de vida saudables, con 5.029 matriculados en 142 centros; e Programación, que se imparte en 129 centros con 4.796 matriculados, todas elas para alumnado de 1º e 2º de ESO. Na etapa de Bacharelato, a máis demandada é a de Métodos estatísticos e numéricos (que se imparte en 2º curso) con 2.441 matrículas en 130 centros.

No contexto do deseño de materias específicas de libre elección tanto a nivel autonómico como de centros que permite a LOMCE, a Consellería de Educación puxo en marcha por primeira vez a oferta de Materias de Libre Autonómica no curso 2015/16, daquela con dez materias que acadaron algo máis de 12.000 matriculados. A partires de aí, curso a curso, foi aumentando a oferta deste tipo de materias ata as 25 actuais.

No presente curso escolar a Consellería quixo facer fincapé nun modelo educativo que promova os valores da igualdade, a equidade e a integración desde o sistema educativo. Nesta liña enmárcase a incorporación das materias Coeducación para o século XXI (para Bacharelato) e Sociedade Inclusiva (para ESO), que responden tamén aos obxectivos do I Plan de actuacións para a Igualdade nos centros educativos de Galicia 2016-2020 e ao o VII Plan Estratéxico para a igualdade de oportunidades entre mulleres e homes 2017-2020 que ten como unha das súas Areas estratéxicas a ” Igualdade na Educación e nos valores” promovendo este cambio de valores, actitudes, roles e estereotipos.

ENSINANZA
MATERIA
Nº CENTROS

ALUMNADO MATRICULADO
Bacharelato (2º)
Literatura galega do século XX e da actualidade
25
285
Bacharelato (2º)
Ética e filosofía do dereito
44
678
Bacharelato (2º)
Filosofía da ciencia e da tecnoloxía
3
40
Bacharelato (2º)
Métodos estatísticos e numéricos
130
2441
Bacharelato (2º)
Electrotecnia
33
300
Bacharelato (2º)
Xeografía e historia de Galicia
23
317
Bacharelato (2º)
Patrimonio artístico e cultural de Galicia
17
218
Bacharelato (1º)
Robótica
42
486
Bacharelato (1º)
Antropoloxía
55
764
Bacharelato (1º)
Literaturas hispánicas
7
103
Bacharelato (1º)
Coeducación para o século XXI (nova 18/19)
3
25
ESO 1º/2º
Programación
129
4796
ESO 1º/2º
Oratoria
149
5787
ESO 1º/2º
Educación financeira
30
684
ESO 1º/2º
Paisaxe e sustentabilidade
37
1316
ESO 1º/2º
Xadrez
49
1402
ESO 1º/2º
Igualdade de xénero
43
1013
ESO 1º/2º
Investigación e tratamento da información
108
3832
ESO 1º/2º
Promoción de estilos de vida saudables
142
5029
ESO 1º
Obradoiro musical
83
2052
ESO 1º/2º
Identidade dixital
4
151
ESO 1º/2º
Consumo responsable
2
69
ESO 1º/2º
Valores democráticos europeos
5
163
ESO 1º/2º
Mobilidade escolar sostible e segura
1
47
ESO 1º/2º
Sociedade inclusiva (nova 18/19)
2
54
Total alumnado
32052