Publicado por 
A Asociación de Veciños Santa Ana de Veigadaña celebra este sábado, 19 de agosto, a súa propia festa na honra dos maiores deste barrio da parroquia mosense de Petelos. Esta celebración é unha homenaxe aos maiores de 75 anos do barrio de Veigadaña a través dunha xornada festiva de convivencia que inclúe Misa, xantar e música.
Ás 12:00 horas do mediodía oficiarase unha Misa na honra dos defuntos do barrio, a continuación homenaxearase aos veciños da Veigadaña maiores de 75 anos, ao acabar o acto actuará o Grupo de Gaitas de Herville e sobre as 14:00 horas realizarase unha comida para os homenaxeados.
Estes actos coinciden co aniversario da. A.V.V. Santa Ana de Veigadaña que cumpre 30 anos transcorridos dende a súa fundación.
A directiva da Asociación agradécelles a todos os veciños/as do barrio a súa colaboración durante todo o ano.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.
